My site

Barcelona nuk ka asnjë mundësi të blejë sulmuesin e Bayern Munchen, Arjen Robben.

Kjo jo sepse i mungojnë fondet por sepse holandezi i ka mbyllur derën skuadrës katalanase, duke shprehur dëshirën për të vazhduar aventurën gjermane. Sipas një lajmi të publikuar dje, Laporta ofronte 40 milionë euro për të blerë "holandezin fluturues”, por i menjëhershëm ka qënë reagimi i lojtarit.

"Ndihem shumë mirë tek Bayern dhe nuk do largohem. Në Mynih kam gjithcka që më nevojitet”, theksoi ish lojtari i Realit në një intervistë për gazetën "Bild”. 

Interi ia ka bërë ofertën e parë Rafa Benitezit, në tentim për ta bindur atë të largohet nga Liverpooli, njofton The Sun.

Nerazzurët janë në kërkim të pasuesit të Jose Mourinhos, ndërsa ekziston mundësia që Interi të punësojë Fabio Capellon pas Kampionatit Botëror. Sidoqoftë, The Sun shkruan se Federata Angleze e Futbollit ka intervenuar me kohë dhe nuk do ta lejojë Capellon të largohet.

Kështu, zikaltrit janë kthyer ka opsioni tjetër, por frikësohen se Benitez mund ta refuzojë ofertën e tyre, pasi që presioni për të zëvendësuar një trajner jashtëzakonisht të suksesshëm është jashtëzakonisht i madh.

Trajneri portugez, të hënën, në orën 13.00, ka nënshkruar kontratë 4 vjecare me Real Madrid-in.
Jose Mourinho është zyrtarisht trajneri i Real Madrid. Pas takimit me Florentino Perez, Jorge Valdano, Miguel Pardeza dhe disa anëtarë tjerë të bordit, Jose Mourinho nënshkroi kontratën 4 vjecare për klubin galaktik.
Mourinho paraprakisht mbajti një fjalim të shkurtër me Presidentin e Nderit, Alfredo di Stefano, dhe më pas iu dhurua një stilolaps për të firmosur kontratën, një replikë e Santiago Bernabeu-t, një orë e artë dhe një fanelë me numrin 1 në pjesën e prapme.  / IPKO.

Prishtinë, 31 maj  - Valon Behrami e Milosh Krasiq janë të të njëjtës gjeneratë, të dy kanë lindur në Mitrovicë dhe të dy do të jenë pjesëmarrës në Botërorin e futbollit "Afrika e Jugut 2010" që nis më 11 qershor. Por, asnjëri prej tyre nuk do të përfaqësojë Përfaqësuesen e Kosovës në këtë garë të madhe. Gjithsesi, të dy do të luftojnë për të. Behrami si reprezentues i Zvicrës ka premtuar se nëse shënon gol, atëherë do t'ia kushtojë Kosovës, ndërkohë serbi Krasiq duke përfaqësuar Serbinë ushqen bindjen se po përfaqëson edhe Kosovën në Afrikë të Jugut. Serbi i CSKA Moskës, në shumë raste ka ditur të përziejë sportin me politikën. Si një serb nga Kosova, ai vazhdon të llogarisë këtë shtet si pjesë të Serbisë.

... Read more »

Trepça është shpallur kampion i Reiffeissen Superligës së Kosovës në futboll, pasi mposhti Besën me rezultat 2-1 në javën e fundit, para një atmosfere fantastike përballë tifozëve vendas.

Atmosfera në stadiumin olimpik Adem Jashari ishte e zjarrtë, pasi që në të ishin grumbulluar mbi 20.000 shikues. Fillimisht në epërsi kaloi Besa me anë të kapitenit legjendar, Haxhi Zeka (33’), për të heshtur kështu tifozët ‘Torcida’ të Trepçës.

Vetëm shtatë minuta ma vonë, lajmërohet kapiteni Elvis Osmani (40’), që zgjoi në këmbë tifozerinë e flaktë me golin e barazimit për 1-1. Goli i titullit u shënua përsëri nga futbollisti më i mirë i Trepçës, Elivs Osmani, në minutën e 58-të të takimit.

Nga Superliga përshëndeten Gjilani dhe Kosova e Vushtrrisë, ndërsa në sfidën e ‘play-offit’ do të përballen Vëllaznimi dhe Besiana ... Read more »

Një tentativë e gabuar për parakalim e Sebastian Vetel ndaj Mark Veber i ka kushtuar këtij të fundit Çmimin e Madh të Stambollit në Formula 1. Nga gafa e pilotëve të Red Bull përfiton piloti Meklarenit, Luis Hamilton.

Fati i garës së Stambollit u vendos në xhiron e 41 kur ndodhi edhe kontakti mes dy makinave Red Bull. Menjëherë pas incidentit Sebastian Vetel detyrohet të lërë garën, ndërsa Mark Veber futet në bokse për të dalë prej andej në vendin e tretë.

Pas këtij episodi gara u kryesua nga dy makinat Meklaren, përkatësisht vendi i parë nga Hamilton dhe i dyti nga Xhenson Baton. Pikët e siguruara nga kjo garë i japin kryesimin e përgjithshëm për skuderi skuadrës britanike me 172 pikë, një më shumë se Red Bull dhe të ndjekur nga Ferrari me 146.

Për pilotë edhe pse u rë ... Read more »

Los Angeles, 30 maj – Kundërshtari i Lakers në luftën për mbrojtjen e titullit të kampionit do të jetë kampioni i Lindjes, Boston, që me rezultatin e përgjithshëm 4:2, largoi nga garat e mëtejme ekipin e Orlandos.

Saktësia e Koby Bryant, i cili shënoi 37 pikë, me lojën e shkëlqyer e të vendosur të Ron Artestit me 25 pikë, mjaftoi që ekipi nga Los Angeles të ketë mundësinë për fitimin e trofeut të 16-të në historinë e tij.

Ndeshja e parë e finales së madhe, në të cilën nikoqir do të jetë kampioni i Konferencës Perëndimore, do të luhet në natën midis të enjtes dhe të premtes. 

Schalke, 30 maj - Boksieri ukrainas, Vitali Klitschko, ka mbrojtur titullin e kampionit në kategorinë e rëndë të veriosnit WBC, pasi që me nokaut në raundin e dhjetë mundë polakun Albert Sosnowski. .

Nga fillimi i ndeshjes, ishte e qartë se Sosnowski nuk mund t’i rezistojë seriozisht ukrainasit, i cili dukej i qetë dhe në mënyrë rutinore "kreu punën”.

Fitorja ndaj polakut 31-vjeçar, i cili para ndeshjes paralajmëroi luftë të fortë në stadium në Schalke, ishte e 40-ta në 42 ndeshje në karrierën profesionale.